وأخذ يفكر ويفكر ويفكر ويفكر

لسه الأمم المتحدة منتظرة لما شيراك وبوش يتفقوا. لسه بوش بيفكر نوقف أم لا نوقف قتل المدنيين. يا ترى نوقف؟ إسرائيل تقول: لسه شوية. وأمريكا تسأل: خلاص؟ وإسرائيل تقول لسه. فييجى بولتون يقول نرفض ونعارض ولا نقبل ونشجب ونحتج ونعترض, والإرهاب وسوريا وإيران, وحل الأزمة والجزمة, والعواقب الوخيمة والعقيمة

إبنى سألنى: هما ليه بيصوتوا لما فيه فيتو؟ سؤال وجيه. ليه مجلس الأمن بيصوت لما رجعنا لمنطق القوة والغابة, وأى قرار سوف يتم عمل فيتو عليه ما دام مش فى صالح إسرائيل وأى قرار يوقف إسرائيل عند حدها هترفضه أمريكا؟ بوش فى أزمة.. لأن إسرائيل قالت له كام يوم بس على ما الناس تفوق نكون خلصنا عليهم, وفات شهر وماخلصوش عليهم لكن طبعا خلصوا على اللبنانيين وأطفال لبنان. فأصبح شكل الدول العربية خيبة قوية وإنتقلت من خطاب المغامرة إلى خطاب التسول.. ما فيش أدوات مقايضة فى إيدينا

أما باقى الدول فكافية خيرها شرها وساكتة. الكل إستنكر فى صمت علشان خايف من زعل مجنون أمريكا وإدارته اللى أجن منه 

  أمريكا فأخذت تفكر وتفكر

خلاص؟ لسه